Ushbu hujjat O‘zbekiston Respublikasi Fuqarolik kodeksining (keyingi o‘rinlarda
matnda O‘zbekiston Respublikasi Fuqarolik kodeksi) 367-moddasi asosida, quyida «Kompaniya» deb nomlanuvchi «MAGNIT SREDNYaYa AZIYa» XK MChJ ning (STIR:: 309167892) quyida «Ishtirokchi» deb nomlanadigan jismoniy shaxs, yuridik shaxs, yakka tartibdagi tadbirkor tomoniga yo‘llangan rasmiy taklifi (ommaviy ofertasi) hisoblanadi, va O'zbekiston Respublikasining 07.06.2022 yildagi O‘RQ-776-sonli «Reklama to'g'risida» Qonunining (keyingi o‘rinlarda matnda O‘RQ-776-sonli Qonun) 21-moddasiga muvofiq, «M Cosmetic» Sodiqlik dasturi (keyingi o'rinlarda «Dastur») bo‘yicha mijozlarni jalb qilishning barcha jiddiy shartlarini o‘z ichiga oladi.

Yuridik shaxsga nisbatan «Ishtirokchi» atamasi yuridik shaxsning o'zini, shuningdek, u Kompaniya tomonidan Aksiya o'tkaziladigan davr mobaynida ko'rsatilgan do'konda istalgan tovarni sotib olish uchun, “M Cosmetic” do'konlaridan biriga yuborilgan uning bayonot qilingan shaxslarini bildiradi.

O‘zbekiston Respublikasi Fuqarolik Kodeksining 370-moddasi 4-qismiga muvofiq, istalgan “M Cosmetic” do‘konida (do‘konlarning aniq manzillari quyidagi manzilda joylashgan: https://mcosmetic.uz/stores, va ushbu Ommaviy ofertaning ajralmas ilovasidir) ofertani olgan shaxs kamida 100 so'm miqdorida tovar uchun to‘lovni amalga oshirishi va do'konda “QR kod” li kassa chekini olishi rozilik deb hisoblanadi va Kompaniya bilan shartnoma tuzish bilan teng kukchga ega bo‘ladi. Rozilik muddati cheklanmagan. Dastur barcha “M Cosmetic” do'konlarida amal qiladi.

Yuqorida bayon etilganlar tufayli, ushbu Ommaviy ofertaning matnini diqqat bilan o‘qib chiqing va “M Cosmetic” do'konlari manzillari, hamda ishtirok etish shartlari bilan tanishing. Agar siz ofertaning biror-bir bandiga rozi bo'lmasangiz, Kompaniya sizga “M Cosmetic” do'konida har qanday tovarni sotib olishdan voz kechishni yoki Dasturda ro'yxatdan o'tmaslikni taklif qiladi.

Ushbu Ommaviy ofertani qabul qilgan (rozilik bergan) shaxs, shu bilan amaldagi qonunchilikka muvofiq Ommaviy oferta tuzish uchun barcha vakolatga ega ekanligini va to‘liq mustaqil javobgarlikni o‘z zimmasiga olishini tasdiqlaydi. Ommaviy oferta Kompaniya tomonidan istalgan vaqtda Ishtirokchini maxsus ogohlantirmasdan o'zgartirilishi mumkin. Ommaviy ofertaning yangi tahriri Kompaniyaning www.mcosmetic.uz manzilida joylashgan saytida, agar Kompaniya bevosita boshqacha ko'rsatmasa, joylashtirilgan paytidan boshlab kuchga kiradi. Ommaviy ofertaning joriy versiyasi bilan muntazam tanishib borish Ishtirokchining majburiyatidir. Ushbu Ommaviy ofertaning joriy versiyasini www.mcosmetic.uz saytida (keyingi o‘rinlarda matnda: «Sayt»), shuningdek, Kompaniya ixtiyoriga ko‘ra boshqa manbalarda ko‘rish mumkin.
Ushbu Ommaviy ofertaning asosiy maqsadi sodiqlik darajasini oshirish, mijozlarni jalb qilish va savdo hajmini oshirish uchun rag'batlantiruvchi aksiyani o'tkazishdir. Dasturning amal qilish muddati cheklanmagan, u Dastur ishga tushirilgan paytidan boshlab Kompaniyaning qaroriga ko‘ra uning to'liq bekor qilinishi paytigacha amal qiladi.

«M Cosmetic» do’konlarining Sodiqlik dasturi» rag'batlantiruvchi aksiyani o'tkazish to'xtatilgan yoki muddatidan oldin to'xtatilgan holda, Kompaniya Dastur to'g'risidagi ma'lumot Ishtirokchiga yetkazilgan usullar bilan, xususan, www.mcosmetic.uz saytida joylashtirish orqali joriy va ehtimoliy Ishtirokchilarni bu haqda xabardor qilish majburiyatini oladi.

1.1 Ushbu Ommaviy ofertaning maqsadlari uchun quyidagi atamalar quyida ko‘rsatilgan ma'nolarda qo'llaniladi:
Aksiya - muayyan vaqt davriga va/yoki amal qilish hududiga va/yoki Ishtirokchilar ro'yxatiga mo'ljallangan tadbir bo‘lib, uning maqsadi Ishtirokchilarning Dasturga sodiqligini shakllantirish va oshirish hisoblanadi. Kompaniya, ehtimoliy Hamkorlar ishtirokida, Aksiyani tashkil etish va o‘tkazish tashabbuskori hisoblanadi.

Ishtirokchi anketasi – Dastur Ishtirokchisi bo‘lishni istagan Mijoz to‘g‘risidagi, Ommaviy ofertada belgilangan tartibda Dasturda ro‘yxatdan o‘tishda Mijoz tomonidan kiritilgan yoki Mijoz tomonidan bildirilgan ma’lumotlar.

Bonuslar - ushbu Ommaviy oferta yoki Aksiya qoidalariga muvofiq Kompaniyadan yoki Dastur hamkorlaridan tovarlarni yoki xizmatlarni sotib olish uchun Kompaniya tomonidan Ishtirokchining Karta Bonus hisobraqamiga kiritilgan bonus birliklari. Hisoblangan Bonuslar miqdoridan Ishtirokchi Kompaniyadan yoki Hamkorlardan sotib olinadigan tovarlar va/yoki xizmatlar uchun chegirma olish, hamda boshqa Bonuslarni (keyingi o‘rinlarda – Bonuslar) olish uchun ishlatishi mumkin. 1 Bonus 1 so’mga teng.

Bazaviy bonus – barcha sodiqlik kartalari egalari olishi mumkin bo‘lgan bonus (keyingi o‘rinlarda – «Bazaviy bonus»), Kompaniya tomonidan Ommaviy ofertaga muvofiq belgilanadi, va Kompaniya ixtiyoriga ko‘ra o‘zgartirilishi mumkin.

Velcom bonus – sodiqlik kartasining barcha yangi egalari ishlatishi mumkin bo’lgan Bonus, Kompaniya tomonidan belgilanadi va istalgan paytda Kompaniya tomonidan o’zgartirilishi mumkin. Kompaniyaning o’zi “Velkom bonus” berilishining maddatini belgilaydi va o’ziga qulay bo’lgan usullarda faol ishtirokchilarga xabar beradi.

SD bonusi - Kompaniya tomonidan belgilangan muayyan shartlarga erishilganda jamlanadigan bonus (keyingi o'rinlarda – SD bonusi, sodiqlik dasturi bonusi).

Bonus hisobraqami - ushbu Ommaviy ofertaga muvofiq Dasturda Ishtirokchining kartasini ro'yxatdan o'tkazish paytida yaratilgan yoki to'ldirilgan, Kompaniyaning axborot tizimidagi Ishtirokchi kartasining hisobraqamidir. Ishtirokchining Bonus hisobraqamida Ishtirokchi Kartadan foydalangan holda amalga oshirgan barcha operatsiyalar bo‘yicha ma'lumot hisobi yuritiladi. Ishtirokchining Bonus hisobraqamiga kiritilishidan avval Bonuslar Kompaniyaga tegishli bo‘ladi. Bonus hisobraqami Bonuslarda yuritiladi. Bonuslar Ommaviy ofertaga muvofiq Ishtirokchining kartasidan foydalangan holda Kompaniyadan va/yoki Hamkorlardan tovarlarni va/yoki xizmatlar xarid qilishda Kartaning Bonus hisobraqamiga kiritiladi va Kartaning Bonus hisobraqamidan yechib olinadi. Bonus hisobraqami Ishtirokchining mobil telefon raqamiga bog'langan. Dasturda bitta mobil telefon raqamiga faqat bitta Bonus hisobraqami bog‘lanishi mumkin. Ishtirokchi mobil telefon raqamini faqat +998 71-203-00-20 «Ishonch telefoni» raqamiga qo‘ng‘iroq qilib, «Ishonch telefoni» operatoriga Karta raqamini va kerakli shaxsiy ma’lumotlarni bildirgan holda o‘zgartirishi mumkin.

Ishtirokchining kartasi - Ishtirokchi tomonidan mustaqil ravishda rasmiylashtirilgan, yoki Ishtirokchi tomonidan ma'lum aksiya doirasida olingan Dastur Ishtirokchisining Kartasi, u xaridorga xizmat ko'rsatishda Ishtirokchini aniqlash vositasi bo'lib, Ishtirokchi tomonidan amalga oshirilgan xaridlar, yoki Kompaniya tomonidan belgilangan boshqa harakatlar uchun Bonuslarni hisoblash va yechib olish uchun zarur bo‘ladi. Karta Ishtirokchiga ushbu Ommaviy ofertaning shartlariga yoki Aksiya qoidalariga muvofiq «M Cosmetic» do'konlarida, hamda Dasturning Hamkorlarida Imtiyozlarni olish (Bonuslarni yechib olish, hisoblash, chegirmalar yoki Bonuslar olish) imkonini beradi.

Dastur kartalarining turlari:
«M Cosmetic» plastik kartasi – «M Cosmetic» do'konlarning kassalarida rasmiylashtirilgan plastik karta.

Xavfsizlik kodi – «M Cosmetic» do’konlari plastik kartasining orqasida ko'rsatilgan uch xonali xavfsizlik kodi. Bonuslarni yechib olish uchun zarur bo‘ladi.

SD sertifikati – keying qatorlarda “Sovg’a Sertifikati”, Kompaniya o'z iltimosiga binoan belgilaydigan turli nominalda bo‘lgan sertifikat. Sertifikat savdo birligi bo'lib, QQSga tortiladi. Mijoz sertifikatni mustaqil ravishda sotib olishi va undan keyingi kun foydalanishi yoki uni sovg'a sifatida berishi huquqiga ega bo'lishi mumkin. SD sertifikati - mijoz uni sotib olganligi va ushbu Oferta shartlariga roziligini tasdiqlovchi asosdir.
Xaridor sertifikatni mustaqil sotib olishi mumkin, sertifikatni sotib olgan xaridor uni sotib olgandan keyin darhol ishlatishi mumkin. Sotilgan sertifikatdan sertifikatni kassada taqdim etgan har qanday shaxs foydalanishi mumkin.

«M Cosmetic» do’konlari Ishonch telefoni (yoki – Ishonch telefoni) - Kompaniya tomonidan tashkil etilgan Dasturni qo'llab-quvvatlash markazi bo'lib, Ishtirokchilarga quyidagi telefon orqali axborot-ma'lumot xizmatlarini taqdim etadi: +998 71-203-00-20.
Mijoz - har qanday turdagi Karta egasi bo'lgan, lekin Ommaviy ofertaga muvofiq Dasturda ro'yxatdan o'tmagan jismoniy shaxs.

«M Cosmetic» do’konlari Shaxsiy kabineti (keyingi o‘rinlarda - Shaxsiy kabinet yoki ShK) - Internet tarmog‘ida https://lk.mcosmetic.uz/ saytida Ishtirokchi foydalanishi mumkin bo‘lgan servis, unda Ishtirokchi va uning profili haqidagi ma’lumot, Kartaning Bonus hisobraqamining qoldig‘i yoki Ishtirokchi Kartalarining umumiy hisobraqami, Ishtirokchining shaxsiy takliflari, aksiyalari, chegirmalari va kuponlari, Ishtirokchi Kartadan foydalanib amalga oshirgan xaridlarning tarixi mavjud.

«M Cosmetic» mobil ilovasi (keyingi o‘rinlarda – Mobil ilova yoki MI) – Ishtirokchi foydalanishi mumkin bo‘lgan iOS va Android platformalari asosidagi mobil qurilmaga (smartfon, planshet va boshqalar) o‘rnatiladigan (yuklab olingan) dasturiy ta’minot shaklidagi servis. Mobil ilova, uning barcha shaxsiylashtirish vositalari, kodlari va elementlari Kompaniyaning mulki hisoblanadi.
Shaxsiy kabinet va Mobil ilova yordamida Ishtirokchi funksiya imkoniyatlarida ko‘zda tutilgan amallarni bajarishi mumkin, jumladan:


·        Bonus hisobraqamidagi qoldiqni ko'rish;
·        Tranzaksiyalarni amalga oshirishda «M Cosmetic» do'konlari kassalarida Virtual kartaning shtrix-kodidan yoki QR-kodidan foydalanish;
·        Tranzaksiyalar tarixini va tafsilotlarini ko'rish;
·        «M Cosmetic» do'konlarining manzillarini ko'rish;
·        «M Cosmetic» kompaniyasining chiqarilgan jismoniy kartani bog‘lash.
Kompaniya - «Magnit Srednyaya Aziya» XK MChJ, O'zbekiston Respublikasi qonunchiligiga muvofiq tashkil etilgan va faoliyat yurituvchi, hamda 100084, O‘zbekiston Respublikasi, Yunusobod tumani, Toshkent shahri, Amir Temur shohko‘chasi, 88 «A» uy manzilida joylashgan, «M Cosmetic» do’konlari dasturini boshqarish va rivojlantirish bo‘yicha mutlaq huquqlarga ega bo'lgan, va «M Cosmetic» do’konlari Dasturi Ishtirokchilariga ushbu Ommaviy ofertada ko'zda tutilgan imtiyozlarnining taqdim etilishini ta’minlaydigan yuridik shaxsdir.

Hamkorlar - Dasturning doirasida Kompaniya bilan shartnomalar tuzgan shaxslar bo'lib, bu shartnomalar doirasida Ishtirokchilarga ushbu shaxslarning tovarlarini va/yoki xizmatlarini sotib olishda Bonuslarni hisoblash/echib olish imkoniyati beriladi, hamda boshqa Imtiyozlar taqdim etiladi. Bonuslarni hisoblash/echib olish shartlari, hamda Ishtirokchilarga boshqa Imtiyozlarni berish shartlari Kompaniya tomonidan Hamkorlar bilan tuziladigan, shartlari o‘zgartirilishi mumkin bo‘lgan tegishli shartnomalar asosida belgilanadi. Hamkorlarning joriy ro'yxati va Imtiyozlarni berish shartlari www.mcosmetic.uz saytida va «M Cosmetic» do’konlari mobil ilovasida joylashtirilgan.

Imtiyozlar - Kompaniyadan va/yoki Hamkorlardan moliyaviy yoki nomoliyaviy foyda bilan tovarlarni va/yoki xizmatlarni sotib olish imkoniyatidir. Imtiyozlar kechiktirilgan chegirma usuli bilan - Ommaviy ofertaga muvofiq Kompaniyadan va/yoki Hamkorlardan va/yoki uchinchi shaxslardan tovarlarni va/yoki xizmatlarni sotib olish uchun Ishtirokchining Bonus hisobraqamiga Bonuslarni hisoblash va keyinchalik Ishtirokchi Ommaviy ofertaga muvofiq Kompaniyadan va/yoki Hamkorlardan tovarlarni va/yoki xizmatlar sotib olayotganda, ularni yechib olish, shuningdek, Kompaniya tomonidan belgilangan qoidalarga muvofiq, Shaxsiy Kuponlarni taqdim etish, Ishtirokchi Shaxsiy Kuponlarga almashtirishi mumkin bo'lgan Stikerlarni hisoblash orqali taqdim etilishi mumkin.

Dastur – “M Cosmetic” do’konlarining doimiy mijozlari bilan ishlashga qaratilgan amalga oshirilayotgan tashabbuslari.

«M Cosmetic» do’konlari Dasturining sayti (shuningdek - Sayt) - Kompaniyaning www.mcosmetic.uz manzilida joylashgan sayti.

Tranzaksiyalar - Ishtirokchi tomonidan Kartadan foydalangan holda amalga oshiriladigan, Ommaviy ofertaga muvofiq Bonus hisobraqamiga Bonuslarni hisoblash yoki Ishtirokchining Bonus hisobraqamidan Bonuslarni yechib olish uchun asos bo‘lgan operatsiyalar.

Xabarnoma - Ishtirokchiga Dasturda ro'yxatdan o'tish paytida u tomonidan ko'rsatilgan bir yoki bir nechta aloqa vositalari (usullari): SMS-xabar, elektron pochta manziliga xat, Mobil ilovada yoki Shaxsiy kabinetda PUSH-xabar, pochta manziliga yuborish yoki boshqa usullar bilan uzatiladigan ma'lumot, shu jumladan reklama turidagi ma’lumot.

Ishtirokchi - ushbu Ommaviy ofertaga muvofiq Dasturda ro'yxatdan o'tgan har qanday turdagi Karta egasi bo'lgan Mijoz.

Ro'yxatdan o'tish - mijozning ma'lumotlarini ushbu Dastur maqsadida keyinchalik qayta ishlash uchun axborot bazasiga kiritish tartiboti.

Verifikasiya - Mijozning batafsil shaxsiy ma'lumotlarini to'liq ro'yxatdan o'tkazish tartibi, unga quyidagilar kiradi: Mijozning to'liq ism-sharifi, tug'ilgan sanasi, jinsi va ixtiyoriy ravishda - elektron pochta manzili.

Target - unga erishganidan keyin Mijoz Bazaviy bonusdan tashqari, SD bonuslarini oladigan maqsadlarni ifodalash. Targetga ketma-ket harakatlarni bajarish orqali erishiladi.

“M Cosmetic” SD kartasi - barcha xaridorlar uchun sotib olish mumkin bo’lgan maxsus sodiqlik kartasi. Ushbu kartaga ko’ra, xaridor “M Cosmetic” do’konlarining maxsus takliflarini sotib olishi va ishlatishi mumkin.

Narxi tushirilgan mahsulotlar - odatda kassa oldidagi zonada joylashgan maxsus narxdagi Mahsulotlar, arzonlashtirilgan yoki katta chegirmali mahsulotlar.

Promo mahsulotlar - ma`lum bir cheklangan vaqt ichida ushbu mahsulot uchun ishlatiladigan yuqori chegirmali mahsulotlar, do’konlarda sariq narxko’rsatkichlari bilan belgilanadi.

2.1 Ro'yxatdan o'tish vaqtida kamida 18 (o'n sakkiz) yoshga to'lgan har qanday shaxs Dastur Ishtirokchisi bo'lishi mumkin.

2.2 Buning uchun Sodiqlik dasturining jismoniy kartasini olib yoki virtual kartasini mobil ilovadan yuklab, ro’yxatdan o’tish kerak.

2.3 Kartani quyidagi usullardan biri bilan olish (rasmiylashtirish) mumkin:

2.3.1 «M Cosmetic» do'konlari kassalarida «M Cosmetic» SD Kartasining chakana narxini to'lash orqali kassada «M Cosmetic» Kartasini rasmiylashtirish.

2.3.2 Do‘konlar kassalarida «M Cosmetic» SD Kartasini rasmiylashtirish va mijozlarni qo‘llab-quvvatlash xizmatimizga qo‘ng‘iroq qilib uni faollashtirish, bu yerda maslahatchi kartani faollashtiradi va mijoz ma’lumotlarini so‘raydi.

2.3.3 “M Cosmetic” mobil ilovasini yuklash, mijoz profilida to’liq ro’yxatdan o’tish, FISH’ni, jinsni, yoshni kiritib, virtual jamg’arma kartasini olish.

2.4 «M Cosmetic» do'konlarida va/yoki Hamkorlardan tovarlarni va/yoki xizmatlarni xarid qilishda Bonuslarni yechib olish, shuningdek, Kompaniyadan yoki Hamkordan boshqa Imtiyozlarni olish uchun Karta egasi bo'lgan Mijoz quyidagi usullardan biri orqali Dasturga Ishtirokchi bo'lishi va Kartani ro'yxatdan o'tkazishi lozim:

2.4.1 Saytdagi Shaxsiy kabinetda yoki Mobil ilovada «Mening profilim» maxsus bo‘limida Anketani to‘ldirib, tegishli belgini qo‘yish va «Ro'yxatdan o'tish» tugmasini bosish orqali Dastur bo‘yicha Ommaviy ofertaning shartlarini aniq, to‘liq va so‘zsiz qabul qilganligini tasdiqlash. Yuqoridagi amallarni bajarishdan keyin Mijoz tomonidan Anketada ko'rsatilgan Mobil telefon raqamiga kodli SMS-xabar yuboriladi, Mijoz shu kodni tegishli shaklda kiritishi kerak. Ushbu bandda ko‘zda tutilgan barcha harakatlar bajarilgandan keyin, Mijoz «M Cosmetic» do’konlari Dasturining ro'yxatdan o'tgan Ishtirokchisi hisoblanadi va unga Bonus hisobraqami biriktiriladi.

2.4.2 +998 71-203-00-20 «Ishonch telefoni»ga qo‘ng‘iroq qilib, «Ishonch telefoni» operatoriga Karta raqamini, Anketani to‘ldirish uchun shaxsiy ma’lumotlarni bildirish orqali, chunki bu tegishli Mijozning Dastur bo‘yicha Ommaviy oferta shartlarini qabul qilgan holda aniq, to‘liq va so‘zsiz roziligini tasdiqlaydi. Yuqoridagi amallarni bajarishdan keyin, Mijoz ro'yxatdan o'tish paytida «Ishonch telefoni» operatoriga ko'rsatgan mobil telefon raqamiga SMS-xabar yuboriladi, uni «Ishonch telefoni» operatoriga bildirish kerak, shundan keyin «Ishonch telefoni» operatori Mijozni Ishtirokchi sifatida ro'yxatdan o'tkazadi, va Karta va/yoki Bonus hisobraqamini muvaffaqiyatli ro‘yxatdan o‘tkazish to‘g‘risida javob xabari kelganidan keyin unga Bonus hisob raqami biriktiriladi. Ushbu bandda ko‘zda tutilgan barcha harakatlar bajarilganidan keyin, Mijoz «M Cosmetic» do’konlari Dasturining ro'yxatdan o'tgan Ishtirokchisi hisoblanadi va unga Bonus hisobraqami beriladi.

2.4.3. Davom etayotgan Aksiyalar doirasida, «M Cosmetic» do'konlarining sodiqlik Dasturida ro'yxatdan o'tishning boshqa tartibi ko‘zda tutilishi mumkin.

2.5. Dasturda ushbu Ommaviy ofertada ko‘zda tutilgan usullardan biri orqali ro'yxatdan o'tganda, Ishtirokchi, shuningdek, Kompaniyaga, hamda u bilan bir guruhga kiruvchi shaxslarga O‘zbekiston Respublikasining 07.01.2012 yildagi O‘RQ-319-sonli «Raqobat to‘g‘risida»gi Qonunining 5-moddaning ma'nosida quyidagilarga o‘zining roziligini beradi:

2.5.1. Dasturda ro'yxatdan o'tish paytida, shu jumladan Anketada Ishtirokchi tomonidan ko'rsatilgan barcha shaxsiy ma'lumotlarni qayta ishlash, shu jumladan, ma'lumotlarni yig'ish, qayd etish, tizimlashtirish, to'plash, saqlash, aniqlashtirish (yangilash, o'zgartirish), chiqarib olish, foydalanish, uzatish, shaxsiylashtirish, bloklash, o'chirish, yo'q qilish, shuningdek Ishtirokchi tomonidan amalga oshirilgan xaridlar, ularning summasi, haqini to'lash usullari va vositalari to'g'risidagi ma'lumotlarni qayta ishlash, va Ishtirokchiga ma'lumot (reklama) taqdim etish imkoniyati bilan bog'liq maqsadlarda, shu jumladan, tovarlar va/yoki xizmatlar, o‘tkazilayotgan aksiyalar, Ishtirokchini qiziqtirishi mumkin bo'lgan shaxsiy takliflar to'g'risida ma’lumotlar, shuningdek ularni yig'ish maqsadida, Ishtirokchilarga Ommaviy ofertada ko'zda tutilgan imtiyozlarni taqdim etish imkoniyati, hamda statistik ma'lumotlarni qayta ishlash va marketing tadqiqotlarini o'tkazish, shu jumladan ushbu tadqiqotlar natijalaridan tijorat maqsadlarida foydalanish imkoniyati bilan, ushbu barcha ma’lumotlarni qayta ishlashni avtomatlashtirish vositalaridan foydalanib va/yoki ularsiz, amalga oshirish;

2.6. Ishtirokchi Kompaniyaga Dasturni amalga oshirish doirasida va maqsadlarida affillangan shaxslarga, Dastur hamkorlariga va Kompaniya ular bilan tegishli shartnomani tuzgan uchinchi shaxslarga, Ishtirokchining o'zi Sodiqlik dasturi ishtirokchisi kartasini faollashtirishda ko'rsatgan shaxsiy ma'lumotlarini qayta ishlash va topshirish huquqini beradi.

2.7 Ishtirokchining shaxsiy ma'lumotlarini qayta ishlash O'zbekiston Respublikasi qonunchiligiga muvofiq amalga oshiriladi. Kompaniya Ishtirokchining shaxsiy ma'lumotlarini faqat ushbu Ommaviy ofertada ko'rsatilgan maqsadlarda qayta ishlaydi. Kompaniya Ishtirokchining shaxsiy ma'lumotlarini ruxsatsiz kirish, o'zgartirish, oshkor qilish yoki yo'q qilishdan himoya qilish uchun barcha zaruriy choralarni ko'radi. Kompaniya faqat o'z xizmat vazifalarini bajarish uchun ushbu ma'lumotlarga muhtoj bo'lgan Kompaniyaning xodimlari, pudratchilari va Hamkorlariga Ishtirokchining shaxsiy ma'lumotlariga kirish huquqini beradi. Kompaniya O‘zbekiston Respublikasining amaldagi qonunchiligi talablariga rioya etilishini ta’minlash maqsadida Ishtirokchi tomonidan taqdim etilgan ma’lumotlardan, shu jumladan shaxsiy ma’lumotlaridan foydalanishga, hamda ularni Vakolatli davlat organlariga topshirishga haqli bo‘ladi. Bunda Ishtirokchi tomonidan taqdim etilgan ma’lumotlarni oshkor qilish faqat O‘zbekiston Respublikasining amaldagi qonunchiligiga muvofiq holda sudning, huquqni muhofaza qiluvchi organlarning talabiga binoan, hamda O'zbekiston Respublikasining qonunchiligida ko‘zda tutilgan boshqa hollarda amalga oshirilishi mumkin. Dasturga qo'shilish orqali Ishtirokchi o'zining shaxsiy ma'lumotlarini Kompaniya tomonidan qayta ishlashga o‘zining roziligini bildiradi.

2.8 Yuqoridagi shartlarga muvofiq shaxsiy ma'lumotlarni qayta ishlashga rozilik Ishtirokchi tomonidan Dasturda ishtirok etish muddati uchun beriladi, va Ishtirokchi tomonidan Kompaniyaga 100084, Respublika O‘zbekiston, Toshkent shahri, Yunusobod tumani, Amir Temur shoh ko‘chasi, 88-«A» pochta manziliga yoki www.mcosmetic.uz info_uzb@magnit.ru manziliga yozma ariza yuborish orqali bekor qilinishi mumkin.

2.9 2.4- bandga muvofiq Dasturda ro'yxatdan o'tishda, Mijoz Kompaniyadan ushbu Ommaviy ofertada ko‘zda tutilgan Xabarnomalarni olishga roziligini bildirishi mumkin. Kompaniyadan Xabarnomalarni olishga rozilik Mijoz tomonidan Dasturda ro'yxatdan o'tish vaqtida, quyidagi usullar bilan ifodalanadi:


·        Saytdagi Shaxsiy kabinet orqali yoki «M Cosmetic» do’konlarining Mobil ilovasida ro'yxatdan o'tishda tegishli belgini qo'yish orqali;
·        «Ishonch telefoni» telefoni orqali ro‘yxatdan o‘tishda «Ishonch telefoni» operatorining tegishli savoliga og‘zaki rozilik bildirish orqali;
2.10 Kompaniyadan Ommaviy ofertada ko'zda tutilgan Xabarnomalarni olishga rozilik Ishtirokchi tomonidan Dasturda ro'yxatdan o'tishdan keyin istalgan vaqtda bildirilishi mumkin, va Saytdagi Shaxsiy kabinetida yoki «M Cosmetic» do’konlarining Mobil ilovasida tegishli belgi qo'yish orqali amalga oshiriladi. Ishtirokchi istalgan vaqtda quyidagi usullardan biri bilan Xabarnomalarni olishdan voz kechishga haqli:



·        Saytdagi Shaxsiy kabinetida yoki «M Cosmetic» do’konlarining Mobil ilovasida;
·        Ishonch telefoniga murojaat qilish orqali: +998 71-203-00-20.
2.11 «M Cosmetic» SD Kartasi Kompaniyaning mulki hisoblanadi va Kompaniyaning birinchi talabiga binoan Ishtirokchi tomonidan qaytarilishi kerak.

2.12 «M Cosmetic» SD Kartasi, shu jumladan Virtual karta qaytarilmaydi yoki almashtirilmaydi, ushbu Ommaviy ofertaga muvofiq Dasturning amal qilishi tugaydigan sanagacha muddatsiz tarzda amal qiladi.

2.13 «M Cosmetic» do’konlarining Mobil ilovasiga va Shaxsiy kabinetga kirish faqat Ishtirokchi O'zbekiston Respublikasi hududida bo'lganda mumkin bo‘ladi.

3.1 Bonuslar Ommaviy ofertaga muvofiq Kartadan foydalangan holda Kompaniyadan va/yoki Hamkorlardan tovarlarni va/yoki xizmatlarni xarid qilishda, shuningdek, Ishtirokchilar Bonuslarni hisoblash uchun asos bo'lgan, Kompaniya tomonidan mustaqil ravishda yoki Hamkor bilan kelishuviga binoan belgilangan boshqa shartlarni bajarganda, Ishtirokchining Bonus hisobraqamiga oʻtkaziladi. Hisoblangan Bonuslarni hisob-kitob qilish sonning eng yaqin o'ndan bir qismigacha yaxlitlash usuli bilan amalga oshiriladi. Bonuslar oq va sariq narx ko’rsatkichlari uchun hisoblanadi, SD ishtirokchisi kassada sodiqlik kartasini ko’rsatgan yoki kerakli ma’lumotlarni bergan holda.

3.2 Bonuslar Kompaniyadan yoki Hamkordan xarid qilingan tovarlar va/yoki xizmatlar uchun har qanday usulda: naqd pulda, bank kartasi orqali va boshqa usullarda to'lov qilinganda hisoblanadi.

3.3 Ommaviy ofertaga muvofiq Kompaniya tomonidan o‘tkaziladigan Aksiyalarning doirasida Ishtirokchining Bonus hisobraqamiga qo‘shimcha Bonuslar kiritilishi mumkin. Kompaniya mustaqil ravishda yoki Hamkorlar bilan kelishilgan holda Aksiya shartlarini, shu jumladan, Tovarlar/xizmatlar ro'yxati va o‘tkazilayotgan Aksiyalarning shartlariga muvofiq Ishtirokchining Bonus hisobraqamiga hisoblanadigan qo'shimcha Bonuslar sonini belgilaydi. Kompaniya Ishtirokchilarni qo'shimcha Bonuslar hisoblanishi ko‘zda tutilgan o‘tkazilayotgan Aksiyalar haqida, va ularni amalga oshirish qoidalari haqida Saytda tegishli ma'lumotlarni joylashtirish orqali xabardor qiladi, shuningdek, u Ishtirokchilarni bu haqda boshqa usullar bilan qo'shimcha ravishda xabardor qilish haqli bo‘ladi. Qo'shimcha bonuslar ushbu hujjatning 4.2-bandida ko‘zda tutilgan Bonuslarning standart sonidan ortiq miqdorda hisoblanadi.

3.4 Bonuslar hisoblanishi uchun Ishtirokchi «M Cosmetic» do'konlarida tovarlarni xarid qilganda, Kartani xarid uchun to'lovni amalga oshirishdan (kassa cheki yopilishidan) avval taqdim etishi kerak.

3.5 Kompaniya mustaqil ravishda yoki Hamkorlar bilan birgalikda, «M Cosmetic» kartasidan yoki Virtual kartadan foydalanib, «M Cosmetic» do'konlarida Hamkorlardan, shuningdek Hamkor bo'lmagan uchinchi shaxslardan tovarlarni va/yoki xizmatlarni xarid qilish uchun Bonuslarni hisoblash qoidalarini shakllantiradi.

4.1 Bazaviy bonus barcha sodiqlik kartalari egalari uchun mavjud. Karta egasi bo'lgan barcha mijozlar xaridlar uchun 2% SD Bonusini oladi.

4.2 «M Cosmetic» do'konlarida qilingan xaridlar uchun to'lovni amalga oshirishda Ishtirokchilarga Bonuslarni hisoblash qoidalari:
· Agar Mijoz tovarlarning haqini to‘lashda kassirga sodiqlik kartasini ko‘rsatgan bo‘lsa, yoki uni (“M Cosmetic”) Mobil ilova orqali ko'rsatgan bo'lsa, Mijozga Bonuslar hisoblanadi.
· Bonuslar faqat «M Cosmetic» do’konlarining chekida sotib olingan tovarlar uchun hisoblanadi.
· Hisoblangan Bonuslar turlari bir-biriga qo‘shilmaydi, Ommaviy oferta talablarini hisobga olgan holda, Mijoz uchun eng foydali bo‘lgan Bonus hisoblanadi.

4.3 Kompaniyaning Ishtirokchining Bonus hisobraqamiga Bonuslarni hisoblash majburiyatini tasdiqlovchi hujjat – xarid qilish faktini tasdiqlovchi kassa cheki, shu jumladan, xaridning sanasi, summasi, joyi, Karta raqami to'g'risidagi ma'lumotlar ko'rsatilgan nofiskal hisobot bo‘ladi. Bonuslar hisoblanmasligi/Bonuslarning noto‘g‘ri hisoblanganligi yuzasidan Kompaniyaga murojaatlar yuqoridagi chek taqdim etilganda ko‘rib chiqiladi.

4.4 Ishtirokchi chegirma olish uchun Bonuslardan foydalangan (yechib olgan) holda tovarlar/xizmatlarni xarid qilganda, Bonuslar faqat ushbu Qoidalarga muvofiq (naqd, naqd bo'lmagan) pul mablag‘lari bilan (lekin bonuslar bilan emas) haqi to‘langan qismi uchungina hisoblanadi.

4.5 Ishtirokchiga «M Cosmetic» do’konlari sodiqlik Dasturida ishtirok etishi munosabati bilan beriladigan Bonuslar va huquqlar boshqa shaxsga sotilishi, o'tkazilishi, berilishi yoki ushbu Ommaviy ofertaga muvofiq holdan boshqacha tarzda ishlatilishi mumkin emas. Bonuslar naqd pul qiymatiga, na pul qiymatiga ega emas.

4.6 Bonuslarni hisoblash muddati: Ommaviy oferta bo'yicha Bonuslar Kompaniya tomonidan belgilangan muddatlarda (31 kalendar kuni ichida) hisoblanadi.

4.7 Yaroqlilik muddati bo'yicha Bonuslarning har xil turlari:


·        5.8-bandga muvofiq hisoblaniishi mumkin, va ulardan foydalanish mumkin;
4.8 Bonuslarning amal qilish muddatiga oid umumiy qoida shuni belgilaydiki, Ishtirokchi Kartasidagi Bonuslarning amal qilish muddati Ishtirokchining Kartasi bo'yicha oxirgi Tranzaksiyaning sanasidan boshlab hisoblanadi. Oxirgi tranzaksiya uchun Bonuslarni hisoblash paytida, agar tegishli aksiya shartlarida boshqacha qoida ko‘zda tutilgan bo'lmasa, butun Kartadagi Bonuslarning yo‘qolishi sanasi aniqlanadi - 12 oy ichida. Shunday qilib, oxirgi Bonuslarni hisoblash operatsiyasi butun Karta Bonuslarining amal qilish muddatini 6 oygacha muddatga uzaytiradi.
Agar mijoz yig’ilgan ballarni ishlatmasa, ular kuyib ketadi va qaytarilmatdi, ko’rsatilgan muddatni hisobga olgan holda.

4.9 Bonuslar amal qilish muddatining umumiy qoidasi, Bonuslarning amal qilish muddati ishtirokchining kartasi bo’yicha uning har bir oxirgi Tranzaksiyasidan hisoblanadi, deb belgilaydi. Oxirgi Tranzaksiya uchun Bonuslar belgilangan paytda aynan shu xarid uchun berilgan Bonuslarning kuyib ketish sanasi aniqlanadi – har bir xarid uchun berilgan Bonus Bonuslarning amal qilish umumiy muddatini uzaytirmaydi. Bonuslar hisobga kiritilgan paytdan boshlab 12 oydan so’ng kuyib ketadi.

4.10 «M Cosmetic» do’konlarining Plastik va/yoki Virtual kartasidan foydalangan holda, ular uchun Bonuslar hisoblanadigan xaridlarning bir kun uchun maksimal soni - 3 ta xarid.

4.11 «M Cosmetic» ning Plastik va/yoki Virtual kartasidan foydalangan holda, ular uchun Bonuslar hisoblanadigan xaridlar bo‘yicha 1 (Bir) ishtirokchi uchun 1 (Bir) kalendar oy ichida hisoblangan Bonuslarning maksimal soni cheklanmagan.

4.12 Ishtirokchi «M Cosmetic» sovg'a sertifikatlarini sotib olganda, Bonuslar hisoblanmaydi.

4.13 Mijoz uning ma’lumotlari Bonuslar qoldig‘i haqida xabar berish maqsadida xabarnomalarni berish uchun ishlatilishiga, yoki targetga erishish uchun n -sum etmagan holda, u axborot xabarnomasini olishiga o‘z roziligini bildiradi.

4.14 Bonuslardan faqat Karta egasi foydalanishi mumkin.

5.1. Ishtirokchi tovarlarni va/yoki xizmatlarni xarid qilganda yoki boshqa Imtiyozlarni olganida chegirma olish uchun Bonuslardan foydalanishi, Kompaniyaning «M Cosmetic» Mobil ilovasida Plastik karta yoki Virtual kartaning QR-kodi taqdim etilganda mumkin bo‘ladi, bunda Mijoz Ishtirokchi sifatida ro'yxatdan o'tgan bo‘lishi, va Kartani ushbu Qoidalarga muvofiq ro'yxatdan o'tkazgan bo‘lishi kerak.

5.2. Bonuslardan foydalanish uchun Ishtirokchi «M Cosmetic» do'konlarida xaridlar uchun hisoblangan kamida 100 (yuz) Bonusni to'plashi kerak. Bonuslarni to'plash uchun Mijozning hisobraqamiga bog'langan istalgan «M Cosmetic» SD kartasidan («M Cosmetic» ilovasi tomonidan yaratilgan QR-koddan foydalanish mumkin).

5.3. Ishtirokchi o‘zining hisoblangan Bonuslardan foydalanish istagi haqida va tovarni va/yoki xizmatni xarid qilayotganda yechib olmoqchi bo'lgan Bonuslar soni haqida kassirga kassa chekining yopilishidan avval bildirishi kerak, bunda ilgari hisoblangan Bonuslar birinchi navbatda yechib olinadi.

5.4. Ishtirokchi «M Cosmetic» do‘konlarida tovarlarni/xizmatlarni xarid qilishda chegirma olish uchun Bonuslardan foydalanishi mumkin. Ishtirokchi tovarlarni/xizmatlarni xarid qilishda chegirma olish uchun Bonuslardan foydalanganda, Ishtirokchi tomonidan yechib olish uchun ko'rsatilgan Bonuslarning tegishli summasi, Ishtirokchi tegishli xaridni amalga oshirgan sanada avtomatik ravishda Ishtirokchining Bonus hisobraqamidan yechib olinadi.

5.5. Ishtirokchi Kompaniyadan tovarlarni va/yoki xizmatlarni xarid qilganda chegirma olish uchun Bonuslarni yechib olish mumkin bo‘ladi, bunda, xarid uchun minimal to‘lov miqdori - har bir xarid uchun 1000 (bir ming) so‘mni tashkil etadi .

5.6. Ishtirokchi ko'pi bilan kuniga 3 (Uch) marta Bonuslarni yechib olish huquqiga ega bo‘ladi, 4.8 punktiga asoslanib

5.7. Kompaniya Aksiyani istalgan vaqtda bir tomonlama bekor qilish, yoki Ishtirokchini oldindan ogohlantirmagan holda bir tomonlama tartibda Ishtirokchining avval hisoblangan Bonuslarini hisobdan chiqarish huquqiga ega bo‘ladi.

5.8. Ishtirokchi «M Cosmetic» ning istalgan o‘zi tanlagan do'konida Kartadan Bonuslarni yechib olish huquqiga ega.

5.9. Ishtirokchi “narxi tushirilgan mahsulot” uchun Bonuslarni yechib olishi mumkin.

5.10. Ishtirokchi maxsus aksiya va oshirilgan chegirma amal qiladigan promo mahsuloti uchun bonuslarni yechishi mumkin.

5.11 SD ishtirokchisi chekdagi mahsulotlarning pul miqdoridan 100% Bonuslar yechib olishi mumkin

6.1 Bonuslarning faqat butun soni yechib olinishi mumkin. Bonuslarning kasr sonini yechib olinishiga yo'l qo'yilmaydi.

6.2. Tovar(lar) ni bir martalik sotib olishda bonuslardan foydalanish hisobiga chegirma 500 000 so'mdan oshmaydi.

6.3. Bir kunda bonus hisoblashning maksimal miqdori do'konning ish kuni davomida xaridorning SD kartasi bo'yicha 10 million so'm miqdorida xaridlari summasi bilan cheklanadi.

6.4. Kartaning orqa tomonida uch xonali xavfsizlik kodi (CVV-kod) bo'lmagan Kartalardan Bonuslarni yechib olishga yo'l qo'yilmaydi.

7.1. SD kartasidan foydalangan holda xarid qilingan tovarlarni almashtirish va qaytarish O‘zR ning amaldagi qonunchiligiga muvofiq amalga oshiriladi.

7.2. Ishtirokchi Kompaniyaga yoki Hamkorga, uni sotib olganda joriy Ommaviy ofertaga muvofiq holda Ishtirokchining Bonus hisobraqamidan Bonuslar xarid chegirmasi ko'rinishida yechib olingan tovarni qaytarganda/xizmatidan voz kechganda, avval yechib olingan Bonuslar summasi Ishtirokchining hisobraqamiga qaytariladi, qaytarilgan tovarlar uchun hisoblangan Bonuslar esa hisobdan chiqariladi.